Bakının Xətai rayonundakı Cavanşir yolötürücüsündə aparılacaq texniki yoxlamalarla əlaqədar olaraq, nəqliyyat vasitələrinin hərəkəti tam məhdudlaşdırılacaq. Bu barədə İnsanoid Azərbaycan Avtomobil Yolları Dövlət Agentliyinə istinadən bu gün, 19 oktyabr tarixində məlumat verir.
Sözügedən yoxlamalar 19, 20 və 21 oktyabr 2023-cü il tarixlərində saat 23:00-dan saat 23:15-ə qədər aparılacaq.
Agentlik sürücülərə qeyd olunan qısa müddət ərzində hərəkət istiqamətlərinə uyğun alternativ yollardan və sözügedən körpünün aşağısından keçən yoldan istifadə etmələrini tövsiyə edib.
