Bakının Xəzər rayonunun Buzovna qəsəbəsində yaşayış evində baş verən partlayışda yanıq xəsarətləri alan bacı və qardaş həyatlarını itiriblər.
Bu barədə İnsanoid bu gün, 24 avqust tarixində Report-a istinadən məlumat verir.
Partlayış nəticəsində müxtəlif dərəcəli yanıq xəsarətləri alan 25 yaşlı Quliyeva Fərəh Əbdül qızı və 26 yaşlı Quliyev Toğrul Əbdül oğlu xəstəxanada vəfat ediblər.
Hadisə zamanı onların nənə və ataları həyətdə, anaları evin ikinci mərtəbəsində, bacı-qardaş isə evin birinci mərtəbəsində olublar. Partlayış evin birinci mərtəbəsində baş verdiyindən yalnız iki nəfər - bacı və qardaş ağır yanıq xəsarətləri alıblar. Ailənin digər üzvləri xəsarət almayıblar.
Hadisə 23 avqust tarixində ümumi sahəsi 250 m² olan ikimərtəbəli fərdi yaşayış evinin 1-ci mərtəbəsində qeydə alınıb. Yanğınla müşayiət olunan partlayış, ilkin ehtimala görə, məişət qazının sızması nəticəsində baş verib.
[gallery link="file" columns="2" size="full" ids="126841,126842"]
