Bərdədə baş verən yanğın nəticəsində 2 nəfər tüstüdən zəhərlənib. Bu barədə İnsanoid bu gün, 21 avqust tarixində Fövqəladə Hallar Nazirliyinə istinadən məlumat verir.
Hadisə rayonun Uğurbəyli kəndində qeydə alınıb. Ümumi sahəsi 1600 m² olan talvarın altına yığılan 100 ton pambığın 1,5 tonu yanıb.
Yüksək temperaturdan talvarın taxta atmaları 200 m² sahədə qarsalanıb.
Yanğın zamanı 2 nəfər tüstüdən zəhərlənib. Talvarın və pambığın qalan hissəsi yanğından mühafizə olunub.
Yanğın söndürülüb.
