Bəzi rayonlarda qaz təchizatında müvəqqəti fasilə yaranacaq. Bu barədə İnsanoid bu gün, 17 avqust tarixində Azəriqaz-a istinadən xəbər verir.
Bu, aparılacaq təmir işləri ilə bağlıdır.
"Balakən 1 və 2 xətt” ölçü qovşağından qidalanan orta təzyiqli qaz xəttində görüləcək işlərlə əlaqədar bu gün saat 08:00-dan, "Müşfiqabad” QPS-də aparılacaq işlərlə əlaqədar saat 10:00-dan, eyni zamanda “Müşfiqabad” və “Çaylı-Qobustan” orta təzyiqli qaz kəmərlərində kipliyə sınaq olunması məqsədilə saat 10:30-dan işlər başa çatanadək qaz təchizatı dayandırılacaq.
Balakən rayonunun bir hissəsinin, paytaxtın Abşeron rayonunun Hökməli, Atyalı, Qobu, Daş-Güzdək, Aşağı-Güzdək və Çiçək qəsəbələrinin, Qaradağ rayonunun Müşfiqabad qəsəbəsinin, Binəqədi rayonunun isə 28 May qəsəbəsinin qaz təchizatında müvəqqəti fasilə yaranacaq.
