Biləsuvarda ferma və mağazadan oğurluq edən şəxslər saxlanılıblar. Bu barədə 16 avqust tarixində İnsanoid-ə Daxili İşlər Nazirliyindən bildirilib.
Rayonun Dərvişli kəndi ərazisində yerləşən fermadan ümumi dəyəri 3000 manat olan 10 baş xırdabuyunuzlu heyvan oğurlanıb.
Oğurluq əməlini törətməkdə şübhəli bilinən şəxslərin rayon sakini M.Məmmədli və Cəlilabad rayon sakini H.Şəmmədov olması müəyyən edilib və onlar polis əməkdaşları tərəfindən saxlanılıblar.
Digər əməliyyat tədbirləri nəticəsində rayonun Bəydili kəndində yerləşən mağazadan oğurluq edən şəxslər saxlanılıblar.
Onların Bəydili kənd sakinləri P.Məmmədzadə və A.Əzizov olduqları müəyyən olunub. Saxlanılan şəxslərin həmin mağazadan 600 manat nağd pul, əlavə olaraq, 280 manat dəyərində danışıq kartları və tütün məmulatları oğurladıqları məlum olub.
Faktlarla bağlı araşdırma aparılır.
