Biləsuvarda İrandan qaçaqmalçılıq yolu ilə göndərilən 19 kiloqram narkotik vasitənin qanunsuz dövriyyəyə buraxılmasının qarşısı alınıb. Bu barədə 23 avqust tarixində İnsanoid-ə Daxili İşlər Nazirliyindən məlumat verilib.
Ələt-Astara magistral yolunun rayon ərazisindən keçən hissəsində narkotik vasitələrin qanunsuz dövriyyəsini təşkil edən Astara rayon sakinləri: Elçin Əbilov, Orxan Qəmbərov və Elşən Babayev saxlanılıblar.
Onlardan 4 kiloqram heroin, 3 kiloqram metamfetamin, 10 kiloqram tiryək olmaqla ümumilikdə 17 kiloqram narkotik vasitə və psixotrop maddə aşkar olunaraq götürülüb.
Digər bir əməliyyat tədbiri nəticəsində isə Bakı şəhər sakini, əvvəllər məhkum olunmuş Kənan Əlizadə saxlanılıb. Ondan 2 kiloqrama yaxın psixotrop maddə olan metamfetamin aşkarlanaraq götürülüb. Saxlanılan şəxslərin İranda yaşayan narkotacirlər vasitəsilə narkokuryerliyə cəlb edildikləri müəyyən edilib.
Bundan başqa, son bir ay ərzində rayon sakinlərindən müvafiq sənədləri olmayan 41 ədəd tüfəng aşkar olunaraq götürülüb.
Faktlarla bağlı araşdırmalar davam etdirilir.
[gallery link="file" columns="1" size="full" ids="126688"]
