"Bolt" taksi şirkəti gediş haqqını 10 faiz bahalaşdırıb. Bu barədə İnsanoid Sputnik Azərbaycan-a istinadən bu gün, 19 dekabr tarixində xəbər verir.
Bir neçə gündür şirkətdən taksi sürücülərinə qiymətlərdə 10 faiz artımın olacağı barədə bildiriş xarakterli sms gəlib. Qiymət artımı tətbiq edilib.
"Bolt" taksi şirkətinin Zülfiqar adlı sürücüsü Sputnik Azərbaycan-ın əməkdaşına bildirib ki, gediş haqqında bahalaşma yaxın məsafələrə tətbiq edilib. Sürücülərə isə uzaq məsafəyə gediş haqqının artırılması daha sərfəlidir.
"Bolt" Azərbaycan şirkəti taksilərdə 10 faiz qiymət artımının olduğunu təsdiqləyib. Şirkətdən bildirilib ki, hal-hazırda 10 faiz qiymət artımı olub. Bu artım bütün sifarişlərə aiddir.
Məlumat üçün bildirək ki, hazırda "Bolt" taksidə minimal gediş haqqı 2,50 AZN-dir.
