18 oktyabr 1991-ci ildə “Azərbaycan Respublikasının dövlət müstəqilliyi haqqında” Konstitusiya Aktı qəbul edilib. Bununla Azərbaycan xalqı ikinci dəfə müstəqillik əldə edə bilib. Müstəqil Azərbaycan dövləti 1918-1920-ci illərdə mövcud olmuş Azərbaycan Xalq Cümhuriyyətinin hüquqi varisi hesab edilir.
29 dekabr 1991-ci ildə ümumxalq referendumunda əhalinin 95%-i səsvermədə iştirak edərək, ölkənin müstəqilliyinə səs verib. 1992-ci ilin may ayında Milli Məclis tərəfindən Azərbaycan Respublikasının Dövlət Himni, bir müddət sonra üçrəngli Bayraq, içində alov olan səkkizguşəli ulduz təsvirli Dövlət Gerbi təsdiq edilib.
18 oktyabr tarixi 1990-cı illərdən etibarən Azərbaycanda Dövlət Müstəqilliyi Günü kimi qeyd edilirdi. 15 oktyabr 2021-ci ildə imzalanan Qanuna əsasən, həmin tarix Azərbaycanda Müstəqilliyin Bərpası Günü elan edilib.
