18 oktyabr 2020-ci ildə Cəbrayıl rayonu ərazisində, Araz çayının üzərində yerləşən Xudafərin körpüsündə Azərbaycan Bayrağı qaldırılıb.
Xudafərin körpüsünün yerləşdiyi Cəbrayıl rayonu 23 avqust 1993-cü ildə Ermənistan Silahlı Qüvvələri tərəfindən işğal edilmişdi.
Ehtimal olunur ki, Azərbaycan - İran sərhədində yerləşən Xudafərin körpüsü Şəddadilərin dövrundə inşa edilmişdir. Eyni zamanda onu daha erkən dövrlərə aid edirlər. Körpünün bir hissəsi XVIII əsrdə Ağa Məhəmməd şah Qacarın Azərbaycana yürüşü zamanı uçurulmuşdur, lakin sonralar bərpa edilmişdir.
14 mart 2021-ci ildə ABŞ-nin Milli Coğrafiya Cəmiyyətinin məşhur “National Geographic” jurnalı Azərbaycanın işğaldan azad edilmiş Xudafərin körpüsünün fotosunu paylaşıb.
