Terrorçuluqda təqsirləndirilən iki Ermənistan vətəndaşı-Sarqsyan İşxan Aşotinin və Rafaelyan Vladimir Otarinin bugünə təyin olunan məhkəmə prosesi təxirə salınıb.
Səbəb ittiham olunanların məhkəməyə gətirilməməsidir. Prosesin dekabrın 17-də keçiriləcəyi bildirilib.
***
09:44
Bugün, dekabrın 14-də terrorçuluqda təqsirləndirilən daha iki Ermənistan vətəndaşı - Sarqsyan İşxan Aşotinin və Rafaelyan Vladimir Otarinin məhkəməsi başlayır. Bu haqda APA məlumat yayıb.
Gəncə Ağır Cinayətlər Məhkəməsində keçiriləcək prosesdə təqsirləndirilənlərin anket məlumatları dəqiqləşdiriləcək və məhkəmənin baxış iclası təyin ediləcək.
Hər iki şəxs “terrorçuluq, odlu silahdan və silah qismində istifadə olunan predmetlərdən istifadə etməklə törədildikdə” maddəsi ilə ittiham edilir.
