Bu gün daha 96 keçmiş məcburi köçkün Laçın şəhərinə yola düşüb. Bu barədə 16 oktyabr tarixində Report məlumat verib.
Bu gün köç karvanı Bakı şəhərinin Qaradağ rayonundakı “Qobu park 3” yaşayış kompleksindən yola salınıb.
Bu mərhələdə Laçın şəhərinə daha 25 ailə – 96 nəfər köçürülür.
Köçürülən ailələr Laçın şəhərində vaxtilə yaşadıqları, işğala son qoyulduqdan sonra bərpa edilən və ya yenidən tikilən evlərdə məskunlaşacaqlar.
Bununla da Laçın şəhərində 272 ailə, yəni 1 052 nəfərin daimi məskunlaşması təmin edilib.
[gallery link="file" size="full" ids="134726,134727,134728"]
