Astarada İrandan qaçaqmalçılıq yolu ilə göndərilən 46 kiloqram narkotik vasitə aşkarlanıb. Bu barədə 21 iyul tarixində Daxili İşlər Nazirliyi İnsanoid-ə məlumat verib.
Rayonun Sım kəndində narkotik vasitələrin qanunsuz dövriyyəsini təşkil edən Lənkəran şəhər sakini Elxan Həsənov saxlanılıb.
Onun avtomobilinə baxış zamanı 46 kiloqram, o cümlədən 20 kiloqram tiryək, 20 kiloqram marixuana, 5 kiloqram heroin, 1 kiloqram metamfetamin, 2 000 ədəd metadon həbi aşkar olunaraq götürülüb.
Məlum olub ki, E. Həsənov narkotik vasitələrin qanunsuz dövriyyəsini şəxsiyyəti istintaqla araşdırılan İran vətəndaşı vasitəsilə təşkil edib.
Faktla bağlı cinayət işi başlanılıb. E.Həsənov barəsində məhkəmənin qərarı ilə həbs qətimkan tədbiri seçilib.
[gallery columns="1" link="file" size="full" ids="122696"]
