Birinci Qarabağ müharibəsi əlillərinə və hərbi xidmət vəzifələrini yerinə yetirməklə əlaqədar əlilliyi müəyyən olunan şəxslərə daha 70 avtomobil verilib. Bu barədə 19 yanvar tarixində Əmək və Əhalinin Sosial Müdafiəsi Nazirliyi məlumat verib.
Avtomobillərin sənədlərini əmək və əhalinin sosial müdafiəsi nazirinin müavini Hidayət Abdullayev təqdim edib. Tədbirdə həssas əhali qruplarından olan şəxslərlə bağlı davamlı olaraq mühüm sosial proqramların icra olunduğu bildirilib.
Şəhid ailələri və müharibə ilə əlaqədar əlilliyi olan şəxslərə 2023-cü ildə 1 500, postmüharibə dövründə 6 000, ümumilikdə ötən dövrdə 14 800 mənzil və fərdi ev verilib.
[gallery columns="2" link="file" size="full" ids="159433,159434"]
