Füzulidə avtomobil qəzası nəticəsində 2 nəfər ölüb, 6 nəfər xəsarət alıb. Bu barədə İnsanoid bu gün, 15 avqust tarixində APA-ya istinadən xəbər verir.
Hadisə Aşağı Kürdmahmudlu kəndi ərazisində baş verib.
“Mercedes” və “VAZ-2106” markalı avtomobillər toqquşub. Nəticədə “VAZ-2106”nın sürücüsü, 38 yaşlı Salyan şəhər sakini Rəşad Nəzərov, onun sərnişini, 59 yaşlı Kürdəmir rayon sakini Yaşar Əhmədov ölüblər.
Qəza nəticəsində 6 nəfər - Salyan rayon sakinləri Novruz Mütəllimov, Elmir Bayramov, Zeynal Nağıyev, Bərdə sakini Nicat Məmmədov, Ağstafa sakini Elxan Həsənov və Məşədi Aşurov xəsarət alıblar.
