Gəncədə oğul atasını qətlə yetirib və yandıraraq evin həyətində basdırıb. O, şübhəli şəxs qismində saxlanılıb. Bu haqda dekabrın 13-də Gəncə şəhər prokurorluğu məlumat yayıb.
Məlumatda qeyd edilir ki, 10 dekabr 2021-ci il tarixdə 1963-cü il təvəllüdlü Azad Məmmədovun oğlu atasının itkin düşməsi ilə bağlı polisə müraciət edib. Araşdırmalarla məlum olub ki, dekabrın 8-i günorta saatlarında Məmməd Məmmədov yaşadıqları evdə atasını aralarında yaranmış mübahisə zamanı əlləri ilə boğaraq qətlə yetirib. Daha sonra o, meyiti evin həyətinə çıxarıb və yandıraraq basdırıb.
Faktla bağlı cinayət işi başlanılıb.
Azərbaycanda 2021-ci ilin birinci yarısında 15 minə yaxın cinayət hadisəsi baş verib. Onlardan qəsdən adam öldürmə və adam öldürməyə cəhdlərin sayı 109 təşkil edib.
