General-mayor Polad Həşimovun anası II Şəhidlər xiyabanını ziyarət edib. Bu barədə 8 noyabr tarixində İnsanoid xəbər verib.
Qeyd edək ki, 8 Noyabr - Zəfər Günü ilə əlaqədar ictimaiyyət nümayəndələri, rəsmi şəxslər, hərbçilər, şəhid ailələri və digər vətəndaşlar II Şəhidlər xiyabanını ziyarət edirlər. Şəhidlərin ruhuna hörmət əlaməti olaraq bir dəqiqəlik sükut elan edilib.
Şəhid general-mayor Polad Həşimov 1975-ci il yanvarın 2-də Qəbələ rayonunun Vəndam kəndində anadan olub, sonradan ailəsi ilə birlikdə Sumqayıt şəhərinə köçüb.
Həşimov 2020-ci il iyulun 14-də Tovuz istiqamətində baş verən döyüşlər zamanı Ermənistan Silahlı Qüvvələrinin hücum cəhdinin qarşısını alarkən həlak olub.
General iyulun 15-də II Fəxri xiyabanda, polkovnik İlqar Mirzəyevlə yanaşı dəfn olunub.
2020-ci il dekabrın 9-da Prezident İlham Əliyevin Sərəncamı ilə Polad Həşimova “Azərbaycanın Milli Qəhrəmanı” adı verilib.
