General-leytenant Rövşən Əkbərov barəsində olan hökmdən verilən apellyasiya şikayəti üzrə məhkəmə dekabrın 22-də keçiriləcək. Bu haqda Report məlumat yayıb.
Sabiq birlik komandiri məhkəmənin hökmü ilə 10 il müddətinə azadlıqdan məhrum edilib. O, “qəsdən adam öldürmə” maddəsi ilə ittiham olunub. Lakin generalın hərbi rütbəsi və fəxri adları alınmayıb. Səbəb məhkəmə işində bununla bağlı təqdimatın olmamasıdır.
Azərbaycanın Milli Qəhrəmanı Rövşən Əkbərov 16 mart 2021-ci ildə həbs edilib. General-leytenant Kiyevdə iş adamı Elçin Əliyevi şəxsi münasibətlər zəminində qətlə yetirməkdə təqsirləndirilir. O vaxt yayılan məlumatlara görə, mərhumun ürək nahiyəsinə hərbi bıçaqla zərbələr endirilib.
