İmişli, Daşkəsən və Ağcabədidə minik və yük avtomobilləri yanıb. Bu barədə İnsanoid bu gün, 19 avqust tarixində Fövqəladə Hallar Nazirliyinə istinadən xəbər verir.
İmişli rayonunun Sarıxanlı kəndində “Mercedes” markalı minik avtomobilinin yanar hissələri yanıb.
Daşkəsən rayonunun Əmirvar kəndində isə “QAZ” markalı yük avtomobilinin yanar hissələri və banına yığılan 60 ədəd taxta yeşik yanıb.
Hər iki hadisə zamanı yaxınlıqdakı tikililər yanğından mühafizə olunub.
Ağcabədi şəhərində də “Hyundai” markalı minik avtomobilinin mühərrik hissəsi, 2 ədəd təkəri və idarəetmə lövhəsi yanıb. Yüksək temperaturdan yaxınlıqda dayanan “Mercedes” markalı minik avtomobilinin 1 ədəd qapısı və buferi qismən qarsalanıb. Hər iki avtomobilin qalan hissələri yanğından mühafizə olunub.
Hər üç yanğın söndürülüb.
