İmişlidə fərdi yaşayış evlərinin birindən oğurluq etməkdə şübhəli bilinən şəxslər saxlanılıblar. Bu barədə 1 avqust tarixində İnsanoid-ə Daxili İşlər Nazirliyindən məlumat verilib.
28 iyul tarixində İmişli RPŞ-yə fərdi yaşayış evlərinin birindən qızıl-zinət əşyaları və pul oğurlanması barədə məlumat daxil olub.
Qeyd edilən oğurluq faktını törətməkdə şübhəli bilinən rayon sakini Elxan Məmmədli və bir yeniyetmə müəyyən edilərək saxlanılıblar.
Məlum olub ki, E.Məmmədli tanışı olan yeniyetmə ilə qabaqcadan əlbir olaraq, zərərçəkmişin yaşadığı ünvana qanunsuz daxil olub. Oradan dəyəri 8 855 manat olan qızıl-zinət əşyaları və 190 manat pul oğurlayıblar.
Oğurladıqları əşyaların əksəriyyətini dəyərindən ucuz qiymətə satan həmin şəxslər əldə etdikləri pulları öz aralarında bölüblər. Qızılların bir qismi isə polis əməkdaşları tərəfindən maddi sübut kimi götürülüb.
Faktla bağlı cinayət işi başlanılıb, araşdırmalar davam etdirilir.
[gallery link="file" columns="2" size="full" ids="123976,123977"]
