İmişlidə ödəmə terminalının pul qutusu oğurlanıb. Bu barədə 3 avqust tarixində Daxili İşlər Nazirliyi İnsanoid-ə məlumat verib.
Rayonun Qızılkənd kəndi ərazisindəki mağazaların birindən 70 manat pul, 2 575 manat dəyərində tütün məmulatı və orada quraşdırılan ödəmə terminalından içərisində 9 200 manat olan pul qutusunu oğurlamaqda şübhəli bilinən Ağdam rayon sakini, əvvəllər məhkum olunmuş Turan Rzayev və Bakı şəhər sakini Eyyub Məmmədov saxlanılıblar.
Fakt üzrə araşdırma aparılır.
