İmişlidə yaşayış binasında partlayış baş verib. Bu barədə İnsanoid bu gün, 22 iyul tarixində FHN-ə istinadən xəbər verir.
Hadisə şəhərin Tofiq İsmayılov küçəsində beşmərtəbəli yaşayış binasında qeydə alınıb.
Binanın 2-ci mərtəbəsində yerləşən və ümumi sahəsi 40 kv.m olan ikiotaqlı mənzilin mətbəxində yanğınla nəticələnməyən partlayış baş verib. İlkin ehtimala görə, hadisəyə məişət qazının sızması səbəb olub.
Bu zaman 30 yaşlı İlyas Musayev müxtəlif xəsarətlər alıb. Yaralı təcili tibbi yardım briqadasına təhvil verilib.
Partlayış nəticəsində mətbəxin qapı və pəncərə çərçivəsi yerindən çıxıb, mənzilə ziyan dəyib.
Hadisə ilə bağlı təhqiqat aparılır.
