Bərdədə İran vətəndaşı vasitəsi ilə narkotik əldə edən şəxs saxlanılıb. Bu barədə 5 avqust tarixində İnsanoid-ə Daxili İşlər Nazirliyindən məlumat verilib.
Bakı şəhər sakini İlqar Cavadov əvvəlcədən əlbir olduğu Məhəmməd adlı şəxslə birlikdə Bərdə rayonuna gələrək onlara deyilən ərazidən narkotik vasitə olan 8 kiloqrama yaxın marixuana götürüblər.
İ.Cavadov saxlanılıb. O, narkotik vasitəni onlayn yolla tanımadığı İran vətəndaşı vasitəsi ilə əldə etdiyini deyib.
Onun əlbir olduğu Məhəmməd Abdullayev də Bakı şəhərində saxlanılıb.
Faktla bağlı cinayət işi başlanılıb.
Araşdırmalar davam etdirilir.
