İrandan Azərbaycana 73 kq narkotik vasitə gətirən dəstə üzvləri həbs ediliblər. Bu barədə 5 avqust tarixində İnsanoid-ə Daxili İşlər Nazirliyindən məlumat verilib.
İrandan Azərbaycana narkotik vasitələri qaçaqmalçılıq yolu ilə gətirən mütəşəkkil dəstə müəyyən edilib. 36 yaşlı Naiq Hacıyev, əvvəllər məhkum olunanlar - 33 yaşlı Yusif Hüseynov və 38 yaşlı Ramid Abdullayev Bakı şəhərində saxlanılıblar.
Şübhəli şəxslərdən və onlara məxsus ünvanlardan 21 kiloqram güclü təsirə malik narkotik vasitə heroin, 4 kiloqram tiryək, tərkibi psixotrop maddələrlə zənginləşdirilən 41 kiloqram qurudulmuş marixuana, 7 kiloqram metamfetamin olmaqla umumilikdə 73 kq narkotik vasitə və psixotrop maddə, həmçinin 1500 ədəd "Metadon" həbi aşkar edilib.
Məlum olub ki, həmin şəxslər qabaqcadan əlbir olaraq, narkotik vasitə və psixotrop maddələri İran vətəndaşı "Rza" adlı şəxsin vasitəsi ilə Qaradağ rayonu ərazisində yol kənarında gizlədilən yerdən ayrı-ayrı şəxslərə çatdırıb pul qazanmaq məqsədilə əldə ediblər.
Faktla bağlı cinayət işi başlanılıb. Dəstə üzvləri barəsində həbs qətimkan tədbiri seçilib.
Araşdırmalar davam edir.
[playlist type="video" tracklist="false" ids="124549"]
