İsmayıllı-Lahıc avtomobil yolunda hərəkət bərpa edilir. Bu barədə 8 sentyabr tarixində Azərbaycan Avtomobil Yolları Dövlət Agentliyi məlumat yayıb.
Bu gecə və səhər saatlarında intensiv yağıntılar səbəbilə yaranan sel suları İsmayıllı-Lahıc avtomobil yolunun (15.8, 17.2 və 18.6 km-lik hissələrdə) hərəkət hissəsinə özü ilə bərabər lil və qaya parçaları gətirib.
Nəticədə avtonəqliyyat vasitələrinin fasiləsiz və təhlükəsiz hərəkətində problemlər yaranıb.
Yolda hərəkətin fasiləsizliyi və təhlükəsizliyinin təmin olunması üçün Agentlik tərəfindən işlər aparılır.
Artıq yolun 15.8-ci km-lik hissəsində yol təmizlənərək hərəkət bərpa olunub.
