Lənkəranda avtomobil iki piyadanı vurub. Bu barədə Report 4 iyun tarixində xəbər verib.
Hadisə rayonun Girdəni kəndi ərazisində baş verib.
Belə ki, Girdəni kənd sakinləri olan 29 yaşlı Elmar Hüseynov və 24 yaşlı Məhərrəməli Ağayevi minik avtomobili vurub. Yaralılar Lənkəran Rayon Mərkəzi Xəstəxanasının təcili yardım şöbəsinə çatdırılıblar.
Vəziyyəti daha ağır olan Elmar Hüseynovun həyatını xilas etmək mümkün olmayıb. O, xəstəxanada ölüb.
Digər yaralı Məhərrəməli Ağayev travmatologiya şöbəsinə yerləşdirilib. E.Hüseynovun meyiti Məhkəmə Tibbi Ekspertiza və Patoloji Anatomiya Birliyinin Lənkəran şöbəsinə təhvil verilib.
Faktla bağlı araşdırma aparılır.
