Lerikdə mağazadan və içərisindəki ödəmə terminalından oğurluq edən qardaşlar saxlanılıblar. Bu barədə 28 avqust tarixində İnsanoid-ə Daxili İşlər Nazirliyindən məlumat verilib.
Rayonun Noda kəndi ərazisindəki mağazadan 160 manat pul, 1244 manat dəyərində tütün məmulatları, orada quraşdırılmış ödəmə terminalı sındırılaraq içərisindən 2880 manat pul oğurlanıb. Bundan başqa, mağazanın müşahidə kameralarının yaddaş qurğusu sındırılıb.
Oğurluq əməlini törətməkdə şübhəli bilinən şəxslər müəyyən edilərək saxlanılıblar. Onların Bakı şəhəri, Qaradağ rayon sakinləri Təhməz Dadaşov və qardaşı Bahadır olduqları məlum olub.
Məhkəmənin qərarı ilə hər iki şəxs barəsində həbs qətimkan tədbiri seçilib.
Faktla bağlı Lerik RPŞ-də zəruri istintaq tədbirləri həyata keçirilir.
