Heydər Əliyev Fondunun vitse-prezidenti Leyla Əliyevanın təşəbbüsü ilə Moskvada "Qanın milləti yoxdur" adlı növbəti xeyriyyə aksiyası keçirilib. Bu haqda dekabrın 13-də Report məlumat yayıb.
Aksiya Rusiya-Azərbaycan Gənclər Birliyi və İ.M.Seçenov adına Birinci Moskva Dövlət Tibb Universitetinin (MDTU) dəstəyi ilə baş tutub. Artıq 13 il mütəmadi olaraq keçirilən xeyriyyə aksiyası 3 gün davam edəcək. Minə yaxın gəncin iştirak edəcəyi gözlənilir.
“Məqsədimiz onkoloji xəstəlikdən və COVID-19-dan əziyyət çəkən insanlara yardım etməkdir”, - deyə MDTU-da Azərbaycan klubunun sədri Simarə Məmmədova vurğulayıb.
