Ölkədə 18 yaşa qədər uşaqlar arasında son vaxtlar hər 10 000 nəfərə görə xəstəlik sayı təxminən 10-15% artıb. Bunu dekabrın 13-də APA-ya müsahibəsində Azərbaycan Milli Elmlər Akademiyasının Coğrafiya İnstitutunun baş direktoru Zakir Eminov deyib.
Onun sözlərinə görə, burada qidalanma, uşaqlara göstərilən tibbi xidmətlərin təsiri var: “Bəzi məktəblərdə tibb məntəqəsi var, amma orda da həkim nəzarəti yoxdur. Uşaqların sağlamlığının qorunması daha çox vacibdir”.
Baş direktor onu da qeyd edib ki, 2020-ci ildə ölkə üzrə ölənlərin sayı əvvəlki ilə nisbətən 25 min nəfər çox olub. Şəhərlərdə kişi ölümləri qadınlara nisbətən bir neçə dəfə çoxdur: “Əvvəl 60 yaşdan sonra ölüm faizi yüksəlirdi, indi 45 yaşdan sonra bu faiz yüksəlir”.
