Ləğv prosesində olan “Muğan Bank” ASC-nin qorunan əmanətçilərindən 2 983 nəfərə ötən 2 gün ərzində 100 milyon 951 min manat kompensasiya ödənişi həyata keçirilib.
Bu barədə 29 noyabr tarixində Report Əmanətlərin Sığortalanması Fonduna istinadən məlumat verib.
Bu isə bankdakı qorunan əmanətlər üzrə ödənilməsi nəzərdə tutulan ümumi kompensasiya məbləğinin təqribən 50%-ni təşkil edir.
Kompensasiya ödənişləri agent banklar - “Azərbaycan Beynəlxalq Bankı” və “Kapital Bank” ASC-lərin ölkə üzrə bütün filialları vasitəsilə həyata keçirilib.
Kompensasiyaların ödənilməsi prosesi haqqında ətraflı məlumatı Əmanətlərin Sığortalanması Fondunun saytından əldə etmək olar.
