“Neftçi” UEFA Konfrans Liqasının III təsnifat mərhələsində ilk oyununu keçirib. Bu barədə İnsanoid 11 avqust tarixində xəbər verir.
Türkiyə klubu “Beşiktaş”la qarşılaşan Azərbaycan təmsilçisi 3:1 hesabı ilə məğlub olub.
“Neftçi Arena”da keçirilən görüşdə 14-cü dəqiqədə istanbullular hesabı açıblar. Onların ilk qolunu Vensan Abubakar vurub. 23-cü dəqiqədə isə Cekson Muleka fərqlənərək hesabı 2:0 edib.
“Beşiktaş” fasilədən sonra 62-ci dəqiqədə Salih Uçanın vurduğu qolla üstünlüyünü davam etdirib.
79-cu dəqiqədə isə “Neftçi” Kilan Lebonun vurduğu qolla hesab arasındakı fərqi azaldıb. Beləliklə, görüş 1:3 hesabı ilə “Beşiktaş”ın qələbəsi ilə yekunlaşıb.
Bu komandalar arasında cavab qarşılaşması avqustun 17-də İstanbulda baş tutacaq.
