Qazaxıstanda dekabrın 14-də Elbası Kitabxanasında “Nizamini oxuyaq” kitab-albomunun təqdimat və fotosərgisinin açılışı olacaq. Bu haqda “TÜRKSOY” təşkilatı məlumat verib.
“Nizamini oxuyaq” kitab-albomunun təqdimatı cari il noyabrın 22-də Bakıda, dekabrın 8-də isə Bişkekdə keçirilmişdir.
Həmçinin dünən“QALA” Yunanıstan-Azərbaycan Dostluq Cəmiyyəti Saloniki şəhərində “Nizami Gəncəvi-880” adlı fotosərgi təşkil edib.
Tədbirdə Nizami irsinin yunanca təqdimatı keçirilib və 2022-ci təqvim ili üçün Nizaminin aforizmlərindən ibarət illik təqvimin nəşri təqdim olunub, küçə və yollarda braşuralar paylanılıb.
Bundan əlavə Azərbaycanın Türkmənistandakı səfirliyi tərəfindən dahi şairin seçilmiş əsərlərindən ibarət türkmən dilində kitab nəşr edilib. Bu haqda dekabrın 13-də Azərbaycanın Türkmənistandakı səfirliyi məlumat verib.
Kitabda “Leyli və Məcnun” poeması, “Yeddi gözəl” poemasının “Bəhramın Fitnə ilə ova gedişi” və “Şahzadə rus qızı haqqında nağıl” hissələri, “Sirlər xəzinəsi” poemasının “Zülmkar padşah ilə həqiqətsevər adam haqqında hekayə” hissəsi, on beş qəzəl və üç şeir - “Oğluma nəsihət”, “Az danışmağın gözəlliyi”, “Gələcək nəslə xitab” tərcümə olunub.
