Ötən il paytaxtda qeydə alınan 15 759 cinayətin 82,8%-i az ağır və böyük ictimai təhlükə törətməyən, 17,2%-i ağır və xüsusilə ağır növlər olub. Bu, Bakı Şəhər Baş Polis İdarəsində keçirilən əməliyyat müşavirəsində bildirilib.
Bu barədə 19 yanvar tarixində APA məlumat verib.
2022-ci illə müqayisədə hesabat dövründə ehtiyatsızlıqdan adam öldürmə 2 dəfə,
ümumi cinayətlər 5,8, ağır və xüsusilə ağır cinayətlər 14,8, az ağır cinayətlər 5,7, soyğunçuluq 27,5, quldurluq 23% azalıb.
Ümumilikdə 167 odlu silah, 65 qumbara, 3834 ədəd döyüş sursatı yığılıb, qanunsuz saxlanılan və gəzdirilən 78 odlu silah əməliyyat yolu ilə götürülüb.
