Parisdəki Azərbaycan evi şəhər meriyasına müraciət edib. Bu haqda bu gün, 3 yanvar tarixində İnsanoid Report-a istinadən xəbər verir.
Fransanın Paris şəhərində fəaliyyət göstərən Azərbaycan Evi ölkənin “Azərbaycan Bağı” ilə bağlı qərarı və parkda yerləşən Azərbaycan şairəsi Xurşidbanu Natəvanın abidəsi ətrafında yaranmış təhlükə ilə bağlı müraciətlə çıxış edib.
Müraciətdə Azərbaycan evinin rəhbəri Mirvari Fətəliyevanın adından Evian-lö Bən şəhər meri Jozian Leyə dərin narahatlıq ifadə edilib.
“Azərbaycana qarşı son hərəkətlər, xüsusən də “Azərbaycan bağı”nın adının dəyişdirilməsi ilə bağlı irəli sürülən təkliflər ədalət və mədəni müxtəlifliyə hörmət prinsipləri ilə tamamilə ziddiyyət təşkil edir”, - deyə müraciətdə bildirilib.
Əlavə olunub ki, belə qərarlar ölkələrimiz arasında xoş niyyətin gücləndirilməsi üçün vacib olan qarşılıqlı anlaşma və əməkdaşlıq əlaqələrini pozmaq riski yaradır.
“Ölkələrimiz arasında qarşılıqlı anlaşmaya töhfə verən mədəni rəmzlərin qorunmasının vacibliyini dərk edərək, biz hakimiyyətin müvafiq qurumlarını bu qərarlara yenidən baxmağa çağırırıq”.
Azərbaycanın İsmayıllı şəhəri ilə Fransanın Evian-lö Bən şəhəri arasında 2015-ci ildə imzalanmış qarşılıqlı dostluq və əməkdaşlıq xartiyasına əsasən, 2017-ci ildə bu şəhərdə “Azərbaycan Bağı” açılıb və parkda görkəmli Azərbaycan şairəsi Xurşidbanu Natəvanın abidəsi ucaldılıb.
