Azərbaycan Prezidenti İlham Əliyevin Misirin paytaxtı Qahirə şəhərindəki “Əl İttihadiya” sarayında rəsmi qarşılanma mərasimi olub. Bu barədə İnsanoid Report-a istinadən bu gün, 8 iyun tarixində xəbər verir.
Azərbaycanın və Misirin Dövlət bayraqlarının dalğalandığı meydanda Prezident İlham Əliyevin şərəfinə fəxri qarovul dəstəsi düzülüb.
Prezident İlham Əliyevi Misir Ərəb Respublikasının Prezidenti Əbdülfəttah əs-Sisi qarşılayıb.
Fəxri qarovul dəstəsinin rəisi Azərbaycan Prezidentinə raport verib.
Azərbaycanın və Misirin Dövlət himnləri səsləndirilib.
Azərbaycan Prezidenti İlham Əliyev və Misir Ərəb Respublikasının Prezidenti Əbdülfəttah əs-Sisi fəxri qarovul dəstəsinin qarşısından keçiblər.
Sonra birgə foto çəkdirilib.
