“Qarabağ” futbol klubuna 5 milyon manat ayrılıb. Bununla bağlı dekabrın 13-də Prezident İlham Əliyev sərəncam imzalayıb.
Bugün, həmçinin ölkə başçısı UEFA Konfrans Liqasında pley-off mərhələsinə yüksələn klubun üzvlərini qəbul edib.
Prezident hakim ədalətsizliyindən danışıb: “Bu, birinci dəfə deyil ki, “Qarabağ” futbol klubu Avropa yarışlarında belə açıq ədalətsizliklə üzləşir. Çox təəssüf edirəm ki, Avropa futbol məkanında bu biabırçı ənənə davam edir”.
Dövlət başçısı UEFA-nın bu problemin aradan qaldırılması üçün əməli addımlar atacağına ümid etdiyini söyləyib. “Əks təqdirdə, növbəti dəfə ədalətsizlik, ikili standartlar, ayrı-seçkilik davam edəcək”, - deyə İlham Əliyev əlavə edib.
