Azərbaycanda Ramazan ayı aprelin 2-dən başlayıb. Bayram dövlət səviyyəsində 2 və 3 may tarixlərində qeyd olunacaq. Bununla əlaqədar bir çox mağazalarda aksiyalar və endirimlərə start verilib. İnsanoid elektronika mağazalarında hazırda mövcud olan fürsətlər barədə araşdırma aparıb.
9-23 aprel tarixlərində İrşad-da smartfonlar, noutbuklar və aksesuarları qabaqcadan heç bir vəsait ödəmədən 12 ayadək faizsiz ala bilərsiz. Məişət texnikası aldıqda da eyni şərtlər keçərlidir, lakin kredit müddəti 18 ay olur. Təklifdən həm taksit kartları, həm nağd, həm də 3 aylıq hissəli alış zamanı yararlanmaq olar.
Music Gallery aprel ayının sonunadək məhsullara nağd alışa 50%-dək endirimlə sahib olmaq fürsəti verir. Bununla yanaşı, məişət texnikası və musiqi alətlərini 24 ayadək, mobil telefonları isə 12 ayadək kreditlə ilkin ödənişsiz və faizsiz almaq olar.
Mayın 10-dək Baku Electronics müştərilərə nağd alışda 50%-dək endirim təklif edir. Həmçinin məişət texnikasını ilkin ödənişsiz 18 aya, noutbuk və aksessuarları 15 aya, smartfon, planşet, Apple məhsulları və ev əşyalarını 12 aya kreditlə götürmək olar. Mebelləri isə komissiyasız, 24 ay faizsiz kreditlə və yaxud nağd 25% endirimlə almaq mümkündür.
Texnomart-da Ramazan kampaniyası mayın 5-dək davam edəcək. Burada seçilmiş məhsulları ilkin ödənişsiz, faizsiz, komissiyasız 24 ayadək hissəli ödəniş şərtləri ilə əldə etmək olar. Məsələn, Lenovo noutbukunu ayda 44 manata almaq imkanı var.
Ramazan ayı boyunca Optimal-dan nağd və ya 18 aylıq faizsiz kreditlə məişət texnikası aldıqda müştəriyə məhsulun 20%-i dəyərində istədiyi hədiyyə verilir.
Eurolux-da hazırda 50%-dək endirimlər var. Məsələn “Samsung” markalı televizoru 2 238 manata yox, 1 898 manata almaq olar. “Bergamo” ütünü isə 41% endirimlə 55 manata əldə etmək olar. Alış-veriş zamanı BirKart, Tamkart, Albalı və Worldcard taksit kartlarınızla ödəmə edə bilərsiniz.
