“Sabah” UEFA Konfrans Liqasının III təsnifat mərhələsinin ilk oyununda qələbə qazanıb. Bu barədə İnsanoid 11 avqust tarixində xəbər verir.
Azərbaycan təmsilçisi Bakıda Serbiya “Partizan”ı ilə qarşılaşıb. Murad Musayevin baş məşqçi olduğu komanda 2:0 hesabı ilə qələbə qazanıb.
"Bank Respublika Arena"dakı görüşdə meydan sahiblərinin hər iki qolunu Boyan Letiç vurub. O, 70 və 74-cü dəqiqələrdə fərqlənib.
Oyunun 69-cu dəqiqəsində Aleksey İsayev penalti zərbəsindən yararlana bilməyib.
“Sabah” və “Partizan” arasındakı cavab oyunu avqustun 17-də Belqradda baş tutacaq.
