"Sabah" UEFA Konfrans Liqasının III təsnifat mərhələsində cavab qarşılaşmasına çıxıb. Bu barədə İnsanoid bu gün, 18 avqust tarixində məlumat verir.
Komanda Serbiyada "Partizan"ın qonağı olub.
Oyunun əsas vaxtında meydan sahibləri 2:0 hesabı ilə qələbə qazanıblar. 30-cu dəqiqədə Mateus Saldanya hesabı açıb. 57-ci dəqiqədə isə Bibras Natxo “Partizan”ın ikinci qolunu vurub.
Bakıda keçirilən ilk görüşdə Azərbaycan təmsilçisi eyni hesabla qalib gəldiyi üçün əlavə vaxt oynanılıb.
Serbiya təmsilçisinin futbolçusu Kristian Beliç 116-cı dəqiqədə ikinci sarı vərəqə alaraq komandasını azlıqda qoyub.
Əlavə vaxt qolsuz yekunlaşdığından qalib penaltilər seriyasında müəyyən olunub. Burada daha dəqiq olan Serbiya klubu pley-offa yüksəlib.
“Partizan” pley-offda Danimarka "Norşellann"ı ilə qarşılaşacaq.
