Sabirabad Rayon Polis Şöbəsinin əməkdaşları təmizliyə riayət olunmasına nəzarət məqsədilə tədbirlər keçiriblər. İnsanoid bu haqda 30 iyun tarixində Daxili İşlər Nazirliyinə (DİN) istinadən xəbər verir.
Nəticədə müxtəlif küçə və prospektlərdə, eləcə də yaşayış binalarının ətraflarında sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi faktları aşkarlanıb.
İnzibati Xətalar Məcəlləsinin 271-ci maddəsinin (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) tələblərini pozduqlarına görə rayon bələdiyyəsinin sədri, mənzil istismar idarəsinin və sanitar təmizlik idarəsinin rəhbərlikləri barəsində İctimai Təhlükəsizlik Bölməsində qanunauyğun tədbirlər görülüb və aidiyyəti üzrə 3 saylı Regional Ekologiya və Təbii Sərvətlər İdarəsinə göndərilib.
