Sabirabadda narkotik vasitələrin qanunsuz dövriyyəsi ilə məşğul olmaqda şübhəli bilinən şəxs saxlanılıb. Bu barədə 25 iyul tarixində İnsanoid-ə Daxili İşlər Nazirliyindən məlumat verilib.
Rayonun Surra kənd sakini Ehtiram Ələkbərov cinayət əməli ilə məşğul olmaqda şübhəli bilinərək saxlanılıb. O, əvvəllər də məhkum olunub.
Onun üzərindən narkotik maddə olan heroin və metamfetamin aşkarlanaraq götürülüb. Saxlanılan şəxsin yaşadığı ünvandan və atasına məxsus fərdi yaşayış evindən ayrı-ayrı bükümlərdə qablaşdırılmış ümumi çəkisi 1 kiloqrama yaxın heroin, metamfetamin, marixuana və 1 ədəd elektron tərəzi aşkar olunaraq maddi sübut kimi götürülüb.
Digər bir əməliyyat zamanı rayon sakini, əvvəllər məhkum olunmuş Vamiq Vəliyev də saxlanılaraq istintaqa təqdim olunub. Onun üzərindən və yaşadığı evdən sellofan və kağız bükümlərdə qablaşdırılmış külli miqdarda heroin və metamfetamin aşkar edilərək götürülüb.
Faktlarla bağlı araşdırmalar aparılır.
