Şabranda baş verən yol qəzasında bir nəfər ölüb, bir nəfər isə xəsarət alıb. Bu barədə İnsanoid bu gün, 21 avqust tarixində Report-a istinadən xəbər verir.
Qəza Bakı-Quba-Rusiya ilə dövlət sərhədi avtomobil yolunun 106-cı km-də, Şabran rayonunun Ağbaş kəndi ərazisindən keçən hissəsində baş verib.
"Mitsubishi Lanser" markalı minik avtomobili bordürə çarpılıb. Nəticədə Bakı şəhər sakinləri - 75 yaşlı Şəfiqə Xasayeva hadisə yerində ölüb, Qalib Xasayev isə müxtəlif dərəcəli bədən xəsarətləri alıb.
Yaralı Siyəzən Regional Müalicə Diaqnostika Mərkəzinə yerləşdirilib.
Faktla bağlı araşdırma aparılır.
