Siyəzən rayonunda şəhid Elməddin Məhərrəmovun adına məscid açılıb. İnsanoid bu barədə 30 iyun tarixində Azertag.az-a istinadən xəbər verir.
Məşrif kəndində keçən tədbirdə şəhid ailələri, rayon icra hakimiyyətinin əməkdaşları və ictimaiyyət nümayəndələri iştirak ediblər. Mərasimdə şəhid Elməddin Məhərrəmovun şərəfli döyüş və həyat yolundan söz açılıb.
Bildirilib ki, Elməddin Məhərrəmov 13 noyabr 1999-cu ildə Məşrif kəndində anadan olub. Vətən müharibəsi Elməddinin hərbi xidmət dövrünə təsadüf edib. Elməddin Məhərrəmov müharibə zamanı Kəlbəcər, Füzuli və Cəbrayıl rayonları istiqamətində gedən döyüşlərdə iştirak edib. O, 5 oktyabr 2020-ci ildə Cəbrayılda şəhidlik zirvəsinə ucalıb.
Ölümündən sonra "Vətən uğrunda", "Cəbrayılın azad olunmasına görə", "Füzulinin azad olunmasına görə", "Kəlbəcərin azad olunmasına görə", "Cəsur döyüşçü" medalları və "Azərbaycan Bayrağı" ordeni ilə təltif olunub.
