Şəkidə 3 nəfərin xəsarət aldığı zəncirvari yol qəzası olub. Bu barədə İnsanoid 9 avqust tarixində Report-a istinadən xəbər verir.
Hadisə Qaraməryəm-İsmayıllı-Şəki magistral yolunun Şəki rayonu Oraban kəndi ərazisindən keçən hissəsində qeydə alınıb.
“Mercedes” markalı 90-MZ-389 dövlət nömrə nişanlı, “KİA” markalı 99-SC-788 dövlət nömrə nişanlı və “CHERY” markalı 99-LM-366 dövlət nömrə nişanlı minik avtomobilləri toqquşub.
Qəza zamanı "Mercedes" markalı avtomobildən boş əraziyə düşən 58 yaşlı Tahirə Atakişiyeva ərazidən çıxarılaraq həkim briqadasına təhvil verib.
Qəzada daha iki nəfər, 54 yaşlı Sevinc Sərdarlı və 30 yaşlı Nərmin Yusifova müxtəlif dərəcəli bədən xəsarətləri alıblar.
Hər üç şəxs Şəki RMX-yə yerləşdiriliblər.
Yaralıların vəziyyətinin orta ağır olduğu bildirilir.
Faktla bağlı araşdırma aparılır.
