Şəmkirdə baş verən avtomobil qəzasında ölən və yaralananlar var. Bu barədə İnsanoid bu gün, 1 sentyabr tarixində APA-a istinadən xəbər verir.
Hadisə Bakı-Qazax magistral yolunun rayon ərazisindən keçən hissəsində qeydə alınıb.
Tovuz rayon sakini, 27 yaşlı R.Namazov idarə etdiyi "Mercedes" markalı minik maşını ilə hərəkətdə olarkən idarəetməni itirib və avtomobili yol kənarına aşırıb.
Qəza nəticəsində avtomobildə olan sərnişinlər - 43 yaşlı Dürdanə Nəbiyeva və onun övladı 21 yaşlı Eyvaz Nəbiyev aldıqları xəsarətlərdən hadisə yerində ölüblər.
Sürücü Röyal Namazov və sərnişinlər - 37 yaşlı Aygün Mustafayeva, 54 yaşlı Mahir Bayramov, 32 yaşlı Bahar Məmmədova müxtəlif dərəcəli bədən xəsarətləri alıblar.
Onlar xəstəxanaya yerləşdiriliblər.
Faktla bağlı araşdırma aparılır.
