Bu vaxta qədər 40 600 müəllim sertifikatlaşdırmaya cəlb edilib, onların 88%-i (35 600) müsabiqədə uğur qazanıb. Bu barədə 14 iyun tarixində Report məlumat verib.
Sertifikatlaşdırmada uğur qazanan 8 500 müəllim (21%) 51-60, 27 min (67%) müəllim isə 30-50 bal arası nəticə əldə ediblər.
Hər iki cəhddə uğursuz nəticə göstərənlər isə təxminən 5 min nəfərdir ki, bu da sertifikatlaşdırmada iştirak edənlərin sadəcə 12%-ini təşkil edir.
Azərbaycan dili və ədəbiyyat müəllimlərinin 95%-i, ibtidai sinif müəllimlərinin isə 86%-i prosesdə uğur qazanıb.
Qeyd edək ki, sertifikatlaşdırma prosesində uğur qazanmış müəllimlərin əməkhaqqına 10, 50 baldan yuxarı nəticə göstərənlərin maaşına isə 35% əlavə tətbiq olunur.
Beləliklə, bu vaxta qədər prosesdə iştirak etmiş 40 600 müəllimdən 35 600-ü əməkhaqqına müvafiq əlavəni alıb.
