Şirvanda evdən oğurluq edən şəxs saxlanılıb. Bu barədə 21 avqust tarixində Daxili İşlər Nazirliyi İnsanoid-ə məlumat verib.
Şəhər ərazisində yerləşən fərdi yaşayış evlərinin birindən gecə saatlarında 200 manat pul və 3 400 manat dəyərində qızıl-zinət əşyaları oğurlanıb.
Şöbə əməkdaşları tərəfindən keçirilən təxirəsalınmaz əməliyyat-axtarış tədbirləri nəticəsində qeyd edilən əməli törətməkdə şübhəli bilinən şəhər sakini, bir müddət əvvəl də törətdiyi oğurluğa görə azadlığın məhdudlaşdırılması cəzasına məhkum edilmiş Ehtibar Həsənov saxlanılıb.
İlkin dindirilmə zamanı E.Həsənov törətdiyi cinayəti etiraf edib. Qanunsuz yolla əldə etdiyi pul və qızıl-zinət əşyaları maddi sübut kimi ondan götürülüb.
Faktla bağlı araşdırma aparılır.
