Azərbaycanlı vəhşi heyvanların hücumuna məruz qalıb. Bu barədə 5 fevral tarixində Metbuat.az xəbər yayıb.
Hadisə Rusiya ərazisində, Kalmıkiya Respublikasının paytaxtı Elista şəhərinin 40 kilometrliyində baş verib. Məlumatda bildirilir ki, iş ardınca Kalmıkiyaya yollanan Sumqayıt sakinini canavarlar parçalayıb:
“O şəxs işə yeni başlamışdı, ilk reysi idi. Gecə saatlarında maşını yolda saxlayıb, ayaqyoluna gedib. Üstündən 30 saniyə keçməyib ki, qışqırıq səsləri gəlib.
Hava o gün çox dumanlı olub. Qaça-qaça maşına tərəf gəlib, yerə yıxılıb. Digər maşında olan iş yoldaşı elə bilib ki, hürən çoban itləridir.
Canavarlar onu gəmirə-gəmirə maşından uzağa aparıblar. Digər şəxs qorxudan maşından aşağı düşməyib. Aidiyyəti orqanlara zəng edib, üstündən 1 saat keçdikdən sonra gəlib canavarların hamısını öldürüblər. Hadisə Elista şəhərinin 40 kilometrliyində baş verib”.
[caption id="attachment_161153" align="aligncenter" width="696"]
Foto açıq mənbələrdən[/caption]
