Tərtər rayon sakini minaya düşüb. İnsanoid bu barədə 5 fevral tarixində Baş Prokurorluğa istinadən xəbər verir.
Hadisə fevralın 5-də saat 11 radələrində baş verib. Əvvəllər təmas xətti olmuş Göyarx kəndi ərazisində mina partlayıb. Ərazidə heyvan otaran 58 yaşlı Tərtər şəhər sakini Azər Məmmədov sol ayağından xəsarət alıb.
Prokurorluq əməkdaşları hadisə yerinə baxış keçirir, digər zəruri istintaq hərəkətləri aparılır.
Apa.az-ın məlumatına görə, Tərtər Rayon Mərkəzi xəstəxanasına gətirilən Azər Məmmədovun sol ayağı baldır oynağı səviyyəsində amputasiya olunub.
"İlkin cərrahi yardım olundu, müalicə üçün Bərdə Rayon Mərkəzi Xəstəxanasına göndərildi", - xəstəxananın cərrahı Mübariz Mahmudov bildirib.
