Türkiyənin Azərbaycandakı səfiri Cahit Bağçı Füzuli rayonuna gedib. Bu barədə İnsanoid bu gün, 17 oktyabr tarixində xəbər verir.
Səfirin "X" hesabında etdiyi paylaşımda deyilir:
"Qələbənin və Füzulinin erməni işğalından azad edilməsinin üçüncü ilində Füzuli yolundayıq. Biz Qarabağın yenidən qurulmasının, inkişafının, qardaşlarımızın öz Vətənlərinə qayıtmasının şahidi olacağıq", - diplomat bildirib.
Prezident İlham Əliyevin 2023-cü il iyulun 31-də imzaladığı Sərəncama əsasən, hər il oktyabrın 17-si Füzuli Şəhəri Günü kimi qeyd edilir. Bu əlamətdar gün Füzuli şəhərinin 2020-ci il oktyabrın 17-də Ermənistan işğalından azad edilməsi ilə əlaqədar təsis edilib. Bu gün şəhərin erməni işğalçılarından təmizlənməsindən 3 il ötür.
