Türkiyənin Azərbaycandakı səfirliyində bayraqlar yarıya endirilib. Bunu Türkiyənin Azərbaycandakı səfiri Cahit Bağcı yanvarın 20-də Şəhidlər xiyabanında jurnalistlərə açıqlamasında deyib.
Bu barədə 20 yanvar tarixində Report məlumat verib.
"Bu gün qardaş Azərbaycanın matəm günüdür. Səfirliyimizdə bayraqlar yarıya endirilib. Torpaq, uğrunda ölən varsa, vətəndir. 20 Yanvar azadlıq uğrunda yandırılan bir məşəldir.
O gecə qəhrəmanlar həyatlarını qurban verdilər. Bu gün hürriyyət, azadlıq arzusunun başladığı tarixdir. Bütün şəhidlərimizə Allahdan rəhmət diləyirik. İnanırıq ki, bütün şəhidlər sadəcə Azərbaycan xalqının deyil, Türkiyə xalqının da ürəyində yaşayır və əbədi olaraq yaşayacaq", - diplomat bildirib.
